2024-cü il avqustun 23-də Türkiyə Daxili İşlər Nazirliyi “GÜRZ-9” kod adı altında aparılan genişmiqyaslı antiterror əməliyyatının başa çatdığını elan edib. Beş gün davam edən və ölkənin 17 vilayətini əhatə edən bu əməliyyat nəticəsində İŞİD terror təşkilatı ilə əlaqədə şübhəli bilinən 65 nəfər saxlanılıb. Əməliyyat Ankara Mərkəzi Təhlükəsizlik İdarəsinin koordinasiyası ilə aparılıb və İstanbul, Ankara, Malatya və Sivas kimi böyük şəhərləri əhatə edib.
Saxlanılan şəxslərin terror fəaliyyətində iştirakda və ya ona kömək etməkdə şübhəli bilinərək həbs qətimkan tədbiri seçilib. Türkiyənin daxili işlər naziri Ali Yerlikaya, terrorizmlə mübarizənin hökumətin prioriteti olduğunu və bu mübarizənin qətiyyətlə davam etdiriləcəyini vurğulayıb.
Bu əməliyyat Türkiyənin İŞİD də daxil olmaqla terror qruplaşmalarına qarşı apardığı genişmiqyaslı kampaniyanın bir hissəsidir. Bölgədəki əhəmiyyətli itkilərə baxmayaraq, İŞİD-in fəaliyyəti davam edir və əməliyyatın uğurla həyata keçirilməsi ölkənin təhlükəsizliyini təmin etmək və terrorizmlə mübarizə aparmaq üçün mühüm bir addımdır.