UNICEF Şərqi və Cənubi Afrikada meymunçiçəyi (mpox) virusu ilə mübarizə üçün təcili olaraq 16,5 milyon dollar maliyyə yardımı axtarır. Xəstəliyin, xüsusən uşaqlar və yeniyetmələr arasında artan halları ciddi sağlamlıq təhlükəsi yaradır. Ən çox təsirlənən ölkələr Burundi, Ruanda, Uqanda, Keniya və Cənubi Afrikadır.
Afrika Xəstəliklərə Nəzarət və Profilaktika Mərkəzinin (Africa CDC) məlumatına görə, virus bölgədə aktiv şəkildə yayılır və qeydə alınmış halların 60%-dən çoxu 20 yaşa qədər olan uşaqlar və yeniyetmələr arasında baş verir. Xüsusilə narahatlıq doğuran məqam ondan ibarətdir ki, yoluxanların əhəmiyyətli bir hissəsini beş yaşına qədər olan uşaqlar təşkil edir.
UNICEF həmçinin qeyd edir ki, virusun “clade Ib” adlı yeni variantı uşaqlar arasında daha yüksək yoluxma potensialına malikdir. Bu isə səhiyyə sahəsində gücləndirilmiş səyləri, o cümlədən səhiyyə xidmətlərinə sərmayə qoyuluşunu, risklər barədə məlumatlandırmanı və virusun yayılmasını məhdudlaşdırmaq üçün beynəlxalq əməkdaşlığı tələb edir.
Konqo virusdan ən çox təsirlənən ölkələrdən biridir və 2024-cü ilin əvvəlindən bəri burada təxminən 18 min meymunçiçəyi hadisəsi qeydə alınıb. Birləşmiş Millətlər Təşkilatının Uşaq Fondu uşaqların və həssas əhali qruplarının qorunması üçün təcili tədbirlərin görülməsinin vacibliyini vurğulayır.